የአብርሆት ቤተ መጻህፍት የዲጂታላይዜሽን አገልግልት ሥራ ጀመረ

የአብርሆት ቤተ መጻህፍት የዲጂታላይዜሽን አገልግልት ሥራ ጀመረ

የአዲስ አበባ ከተማ አስተዳደር ከንቲባ አዳነች አቤቤ እና የአብርሆት ቤተመጻሕፍት ዳይሬክተር ኢንጅነር ዉብአየሁ ማሞ በአብርሆት ቤተ መጻህፍት የዲጂታላይዚሽን አገልግሎት ሥራ አስጀምረዋል ።

ከንቲባ አዳነች አቤቤ ቤተ መጻህፍቱ አሁን በሚሰጠው አገልግሎት በአማካይ በቀን ከ15 ሺህ በላይ አንባቢዎችን የሚያስተናግድ መሆኑን ጠቅሰዋል።

ዛሬ በተጀመረው እና 80 ሺህ መጻህፍት ዲጂታል በተደረጉበት አገልግሎት ደግሞ ከእጥፍ በላይ አንባቢዎችን መድረስ ያስችላል ነው ያሉት።

“ትውልዱ የሚያነብበት ስፍራ በማጣቱ እንጂ ሁኔታዎች ከተመቻቹለት በንባብ ራሱን ለማነጽ የሚተጋ መሆኑን በማየታችን፤ ተጨማሪ አዳዲስ ቤተመጻህፍት በየክፍለ ከተሞቻችን እየገነባን የተጠናቀቁትንም በቁሳቁስ እንዲሟሉ በማድረግ አንባቢ እና ምክንያታዊ ትውልድ ማፍራታችንን እንቀጥላለን” ብለዋል።