ዛሬ የመከላከያ ሚኒስቴር 3,500 በላይ መፀሀፍቶችን ለአብርሆት ቤተመጻህፍት አበረከተ።

ዛሬ የመከላከያ ሚኒስቴር 3,500 በላይ መፀሀፍቶችን ለአብርሆት ቤተመጻህፍት አበረከተ።

የመከላከያ ሚኒስቴር ዶ/ር አብርሀም በላይ ለአብርሆት ቤተመጻህፍት ዋና ዳይሬክተር ኢንጂነር ውብአየሁ ማሞ በመከላከያ ሚኒስቴር ዋና መስሪያቤት መፀሀፍቶቹን አስረክበዋል።

መጽሀፍቶቹ ከመከላከያ ጤና መመሪያ፣ከመከላከያ ዋር ኮሌጅ፣ከመከላከያ ዩኒቨርሲቲ እና ከሚኒስትሩ በግል ተነሳሽነት የተበረከቱ መሆናቸውን ተመላክቷል።

ሚንስትሩ መፀሀፍት ለሀገር እድገት ትልቅ ሚና እንደሚያበረክት እናም አብርሆት ቤተመጻህፍት ለማህበረሰቡ እውቀትን የሚቀስሙበት ፣ የሚያጎለብቱበት እንደሆነ ጠቅሰዋል።

የአብርሆት ቤተ-መጻህፍት ዋና ዳይሬክተር ኢንጅነር ውብአየሁ ማሞ በበኩላቸው ለሀገር ለውጥ ቁልፍ መሳሪያ ለሆነው የትምህርት ግብ መሳካት አንባቢ ትውልድ መገንባት ወሳኝ ነው ብለዋል።

የተሻለች ኢትዮጵያ ለመገንባት የሚያነብ ትውልድ ለመፍጠር ለሚደረገው ጥረት መከላከያ ያደረገው ድጋፍ አስተዋጾኦ የጎላ መሆኑን ጠቅሰዋል።
ለተደረገው ድጋፍ ምስጋና አቅርበው ለአብርሆት ቤተ-መጻህፍት የሚደረጉ የመጽሐፍት ልገሳዎች ተጠናክረው እንዲቀጥል ጠይቀዋል።
የአብርሆት ቤተ-መጻህፍት የመከላከያ ሚኒስትሩ ዶክተር አብርሀም በላይ በግል ተነሳሽነት ላበረከቱት አስተዋፅኦ የእውቅና ሰርተፊኬት አበርክቶላቸዋል።